МАМТ е непрофитна организација формирана од претставниците на три танцови клубови: Брејк А Лег, Аква Денс Клуб и Прима Данца во Декември 2011та година.

Цел и задача на МАМТ е развој и промовирање на Модерните Танци и танцовата уметност во Македонија во сите негови форми.

Основните цели на МАМТ се физичките , културните и образовните придобивки остварени преку организирање натпревари на сите нивоа, спонзорирање предавања и работилници, доделување сертификати и стипендии , а се со цел да се подобри стандардот на Модерните Танци во Македонија како на национално , така и на меѓународно ниво.

Да се поттикне , негува и да се зголеми јавниот интерес за уметноста на танцување и изведувачките уметности следејки ги правилата и прoписите на (ИДО) Меѓународната Танцова Организација.

Да се промовира конкурентност помеѓу танцовите клубови , членки на МАМТ и почитување на сите правила и прописи во рамките на системот за натпреварување на МАМТ.

Да се формулираат правила и прописи кои ке бидат во Согласност со постоечките правила и прописи на ИДО.

Да се прифати унифицираниот систем на ИДО за судење и оценување натпревари на сите нивоа во рамките на системот за натпреварување на МАМТ.